Sipas raportimeve të Shkodra Sport, drejtuesit e skuadrës shkodrane kanë planifikuar një komunikim me mediat në orën 11:30, ku pritet të bëhet zyrtare tërheqja nga kampionati.
Lajmi përbën një goditje të fortë për futbollin e femrave në Shqipëri, pasi Vllaznia është një prej skuadrave më të suksesshme në historinë e këtij sporti në vend.
Presidenti i ekipit të vajzave, Lazër Matija, thotë se do të dorëhiqet sepse “Kam parë strategji të gabuar, futbolli i vajzave në Shkodër ka qenë i persekutuar, kanë marrë futbolliste në Kombëtare dhe i kanë lënë në stol. Kam pasur debate për arbitrimin në futbollin e vajzave, kanë dashur të na heqin kampionatin, por nuk ia kanë dalë falë punës dhe sakrificës.”
Sipas Matijas, FSHF ‘është e mërzitur me Vllazninë, pasi ka dominuar për shumë vite’ dhe me futbollin e vajzave kërkon të bëjë qoka.
Skuadra shkodrane është shpallur 13 herë kampione e Shqipërisë dhe ka përfaqësuar vendin edhe në arenën europiane, duke arritur deri në fazën e grupeve të Ligës së Kampioneve për femra.
Në Shkodër, Vllaznia ka sjellë ndër vite disa prej emrave më të mëdhenj të futbollit europian, pasi është përballur me skuadra të nivelit të Real Madridit, PSG-së, Chelseat, Juventusit dhe Interit.
Tërheqja e mundshme e Vllaznisë do të ishte një humbje e rëndësishme për kampionatin shqiptar dhe për futbollin e femrave në vend.
Discussion about this post