Vllaznia ka nisur të lëvizë në merkato dhe afrimi i parë është mesfushori Lorik Boshnjaku, kampion sezonin e shkuar me Prishtinën.
Mesfushori 27-vjeçar do të zëvendësojë kështu Ardit Krymin e larguar drejt kampionëve të Bjellorusisë. Ai ka firmosur për dy vite me shkodranët.
Boshnjaku ka qenë për tetë vite pjesë e skuadrës së Prishtinës, duke u kthyer në një nga lojtarët më të rëndësishëm të kësaj skuadre.
Trajneri Mirel Josa e njeh atë, pasi e ka pasur nën urdhra gjatë kohës që ka drejtuar skuadrën kryeqytetase në Kosovë.
Discussion about this post