Vllaznia e femrave nis me humbje fazën e grupeve të Championsit. Vajzat kuqeblu edhe pse mundën të rezistonin për plot 53 minuta lojë, nuk ia dolën të bënin surprizën përballë Realit të Madridit në një ndeshje historike në “Loro Boriçi”.
Duke ditur diferencat e mëdha në cilësi, ishte e pritshme fitorja e vajzave madrilene, megjithatë duhet vlerësuar impenjimi i skuadrës shkodrane në këtë sfidë.
Vlen të përmendet paraqitja e portieres Uilliams, që ka kreu disa pritje vendimtare, duke shmangur një humbje me goleadë.
Për Realin shënoi në minutën e 54-t Gonzalez, ndërsa në të 76-të Carmona dyfishoi shifrat me penallti. Rezultati 2-0 mbeti i pandryshuar në minutat e mbetura të sfidës.
Discussion about this post