Vllaznia prezanton trajnerin e ri, Qatip Osmani

Pas ndërprerjes së kontratës me Migen Memellin, Vllaznia ka prezantuar në krye të detyrës trajnerin e ri, Qatip Osmani.

Ishte vetë klubi kuqeblu që ka zyrtarizuar 54-vjeçarin, edhe pse çdo gjë u duk e konfirmuar një ditë më parë.

Së bashku me të ka ardhur dhe Bashkim Ljivoreka, i cili do të ketë rolin e zv. trajnerit, teksa objektivi për Osmanin është arritja në fazën “Final 4”.

“Klubi i Futbollit Vllaznia dêshiron të informojë opinionin publik se trajneri i ri i ekipit tê parë të Vllaznisë do të jetë z. Qatip Osmani. Ai vjen te skuadra jonë pas një karriere të suksesshme tek Shkëndija e Tetovës me të cilën ka fituar 5 trofe. Bashkë me të, në stafin e Vllaznisê do të jetë edhe z. Bashkim Ljivoreka që do të ketë detyrën e zëvendêstrajnerit.

Mirë se erdhët në familjen kuqeblu profesor Qatipi dhe Bashkimi!”, thuhet në njoftimin e klubit.