Të premten do të luhet ndeshja e parë e javës së dytë të Kategorisë Superiore, ku Dinamo do të presin në këtë sfidë skuadrën e Laçit në orën 19:45.
‘Blutë’ e kryeqytetit vijnë pas fitores 0-2 ndaj Kastriotit në transfertë, në një debutim të pëlqyer pas 9 viteve mungesë në elitën e futbollit shqiptar.
Të shtunë do të luhen dy takime të tjera në orën 16:45 Skënderbeu do të presë Partizanin në Korçë, në një takim nga i cili të dyja skadrat do të kërkojnë me patjetër tre pikë, pasi vijnë pas disfatave të ndeshjeve të para.
Ndërsa në orën 19:45 po të shtunën do të mbahet ndeshja midis Vllaznisë dhe Teutës, dy kampionet në fuqi njëra e Kupës së Shqipërisë, ndërsa Teuta e Superligës dhe Superkupës. Java e parë për këto dy skuadra u mbyll me fitore, duke bërë që edhe në ndeshjen që konsiderohet si supersfida e javës do tentojnë të tregojnë forcën.
Ndeshjet e dyta të këtij kampionati do të mbyllen të dielën me sfidën Tirana-Egnatia që do të zhvillohet në orën 13:45 nga ku bardheblutë e kryeqytetit do kërkojnë fitoren e dytë, ndërsa djemtë e Krujës do mundohen me gjithçka për të mos pësuar një tjetër disfatë.
Përballja e fundit është ajo midis Kukësit dhe Kastriotit që është planifikuar për orën 16:45 në ‘Elbasan Arena’, pasi verilindorët ende nuk e kanë gati shtëpinë e tyre. Pritësit vij të frymëzuar pas fitores 1-3 ndaj Egnatias, ndërsa Kastrioti vjen pas disfatës me Dinamon kështu që këtë ndeshje e sheh si mundësi për të marrë 3 pikë, duke qenë se aktualisht ka zero.
Kalendari, java 2 – Superliga:
E premte, 17/09/2021
19:45 Dinamo – Laçi (Elbasan Arena)
E shtunë, 18/09/2021
16:45 Skënderbeu – Partizani
19:45 Vllaznia – Teuta
E diel, 19/09/2021
13:45 Tirana – Egnatia
16:45 Kukësi – Kastrioti (Elbasan Arena)/Gijotina.com
