Zbardhen dy raste vjedhjes në qytetin e Lushnjës. Tre të mitur në bashkëpunim me njëri tjetrin kanë hyrë në një banesë në Divjakë duke marrë prej andej një shumë të konsiderueshme parash.
Në Divjakë, u referuan materialet në Prokurori ku nisi procedimi në gjendje të lirë për shkak të moshave, për dy shtetas 16-vjeçarë dhe për një shtetas 15 vjeç, si dhe u shpall në kërkim një shtetas tjetër 15 vjeç, pasi dyshohet se në bashkëpunim me njëri-tjetrin, më datë 01.07.2023, kanë vjedhur në banesën e një shtetasi, një shumë të konsiderueshme parash.
Burime bëjnë me dije se bëhet fjalë për një shumë prej 15 milionë lekësh të vjetra që është marrë nga banesa në fjalë.
Ndërsa, në rastin e dytë, është arrestuar një 34-vjeçar, i cili dyshohet se ka vjedhur para në një lokal në Lushnje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Discussion about this post