Dy persona kanë rënë në prangat e policisë së Fierit, pasi akuzohen se kanë vjedhur biznesin ku ishin të punësuar. Të arrestuarit janë R. Xh., 39 vjeç, banues në Kuman, Roskovec dhe A. N., 25 vjeç, banues në Zharrëz, Patos, (të dy punonjës SHPSF).
Dy personat, që ishin punësuar për mbrojtjen e një subjekti privat, janë arrestuar pasi akuzohen se kanë vjedhur disa materiale në këtë subjekt.
Arrestimi i tyre u bë pasi në bashkëpunim me njëri tjetrin, duke shpërdoruar detyrën, kanë vjedhur një sasi vaji lubrifikant, naftë, venol, pompë hidraulike, prozhektor, ferrota, fuçi metalike, pronë të kompanisë Bankers Petrol.
Materialet i kaluan Prokurorisë së rrethit gjyqësor Fier për veprime të mëtejshme.
Discussion about this post