Dhjetë persona janë arrestuar për vjedhje energjie. Policia bën me dije se arrestimet janë kryer në disa qytete të vendit, ku janë konstatuar 21 raste të vjedhjes së energjisë elektrike.
Sipas uniformave blu është bërë arrestimi në flagrancë i dhjetë personave në Tiranë, Fier, Lezhë, Dibër e Shkodër. Gjithashtu janë proceduar penalisht 10 të tjerë në Lezhë e Durrës, si dhe është shpallur në kërkim 1 tjetër në Tiranë.
Në Durrës janë arrestuar: D. A., banues në Baldushk, F. H., banues në Babrru, A. D., banues në Kombinat dhe G. S, banues në Vorë, si dhe është shpallur në kërkim personi S. D., banues në Kombinat.
Në Lezhë është arrestuar personi i identifikuar me iniciale L. E., banues në Lezhë dhe P. A., banues në Kurbin. Gjithashtu janë në hetim personat e identifikuar me iniciale N. M., M. Ç., B. L., L. A., V. A., F. A., K. B. dhe T. A.
Shërbimet e Komisariatit të Policisë Mallakastër kanë arrestuar në flagrancë E. V., banues në Visokë dhe K. Z., banues në Dukas.
Nga shërbimet e Komisariatit të Policisë Bulqizë është arrestuar në flagrancë I. L., banues në Gjoricë.
Shërbimet e Policisë në Komisariatin e Policisë Shkodër arrestuan në flagrancë V. P., banues në fshatin Shqir, Shkodër.
Nga shërbimet e Policisë në Komisariatin e Policisë Durrës u proceduan penalisht R. D., banuese në Durrës dhe A. B., banues në Fllakë, Durrës.
