Vodhi çantën me 6000 euro në dhomën e hotelit në Ksamil, arrestohet – Video

Një 37-vjeçar është arrestuar pasi akuzohet si hajdut serial i disa vjedhjeve të kryera gjatë muajit dhjetor 2024, në disa qytete të Shqipërisë.

E fundit ishte vjedhja e një çante me 6000 euro në dhomën e një hoteli në Ksamil ndërsa në Sarandë ka tentuar të të vjedhë sende nga një automjet i markës “Audi Q5”, duke thyer xhamin e derës së drejtuesit të automjetit.

Kamerat e sigurisë kanë kapur momentin kur 37-vjeçari hyn në dhomën e hotelit nga ballkoni dhe më pas del me çantën me lekë në dorë.

Policia e Sarandës ka finalizuar operacionin policor të koduar “Serial thief”, duke arrestuar shtetasin Arif Mançe, 37 vjeç, banues në Tiranë, i cili dyshohet si autor i disa vjedhjeve të kryera gjatë muajit dhjetor 2024 dhe në ditët e para të janarit 2025.

Sipas hetimeve, më 4 janar 2025, në lagjen nr. 2, Ksamil, A.M. vodhi një çantë me 6000 euro nga ambientet e një hoteli. Po atë ditë, në lagjen nr. 4, Sarandë, ai tentoi të vidhte sende nga një automjet i markës “Audi Q5”, duke thyer xhamin e derës së drejtuesit.

“Nga hetimet rezultoi se ky shtetas, më 04.01.2025, në lagjen nr. 2, Ksamil, në ambientet e një hoteli, ka vjedhur një çantë me 6000 euro, ndërsa në lagjen nr. 4, Sarandë, ka tentuar të vjedhë sende nga një automjet i markës “Audi Q5”, duke thyer xhamin e derës së drejtuesit të automjetit. Nga veprimet hetimore të mëtejshme, rezultoi se shtetasi A. M. ishte shpallur në kërkim për katër vjedhje të tjera, konkretisht:  më datë 13.12.2024, në Durrës, dyshohet se ka tentuar të vjedhë në një banesë, si dhe ka vjedhur një celular; më 08.12.2024, në Tiranë, dyshohet se ka vjedhur në një banesë dhe në një kioskë. Vijon puna për zbardhjen dhe dokumentimin e vjedhjeve të tjera që mund të ketë kryer ky shtetas”, njoftoi policia.