Mesfushori 18-vjeçar i Tiranës, Jordi Jaku, është përshëndetur me shokët e tij të skuadrës dhe tashmë është gati për të nisur një aventurë të re në klubin e Serisë A, Bolonja.
Italianët dhe drejtuesit e Tiranës kanë arritur një marrëveshje për transferimin e mesfushorit të ri dhe në orët në vijim do të bëhen të ditura të gjitha detajet.
Nuk dihet ende se për çfarë shume bëhet fjalë, por me siguri kryeqytetasit do të mbushin “arkat”.
Jaku do të ishte 18-vjeçari i parë shqiptar që në moshë kaq të re do të mund të kalonte në Serie A, ndërkohë siç duket mesfushori po ndjek gjurmët e Alen Sherrit.
Gardiani i Kombëtares në merkaton e verës bëri të mundur kalimin e tij nga Egnatia në Superiore te Cagliari në Serie A.
Discussion about this post