Vokshi dorëzon prova të reja ndaj Manastirliut në SPAK: Përdori nxënësit e shkollave në fushatë

Deputetja e Partisë Demokratike, Albana Vokshi është paraqitur sot në SPAK për të dorëzuar prova të tjera ndaj ministres së Arsimit.

Vokshi ka paditur Ogerta Manastirliun për  sms-të që u dërgonte mësuesve për pjesmarrjen e fëmijëve në takimet elektorale të Partisë Socialiste.

Mësohet se SPAK i kërkoi prova të tjera deputetes demokrate Albana Vokshi dhe ajo është paraqitur sot për tju përgjigjur kërkesës së Prokurorisë së Posaçme.

Nga SPAK, Vokshi akuzoi palën kundërshtare, PS-në, se ka keqpërdorur admimistratën publike për zgjedhje, ndërsa u bëri thirrje nëpunësve të mos bëjnë pjesë në krime elektorale.

“Me keqpërdorimin e administratës publike, PS dhe Edi Rama vazhdojnë me shkelje të përditshme. I bëjmë thirrje çdo nëpunësi të administratë publike, çdo mësuesi, të mos bëjë pjesë në krime zgjedhore. Të largohen nga sistemi i patronazhimit.

Çdokush që bën krime zgjedhore, do të përballen me drejtësinë. Çdo kush që bën detyrën e nëpunësit civil, do të mbështetet nga qeveria e PD.

Kushdo që përfshihet në krime zgjedhore duke bërë patronazhimit, duke dhënë shërbime që ua garanton ligji, kundrejt votës, do të përballet me drejtësinë herët a vonë.

Unë u thirra për të dhënë informacione shtesë si pala kallëzues për të dhënë informacione shtesë”, u shpreh ajo.