Ambasadori i BE në Tiranë, Silvio Gonzato ka folur për gazetarët krah kryrekomisionerit të zgjedhjeve Ilirjan Celibashi pas takimit të tyre në ambientet e KQZ.
Gonzato: Lajmi që u përhap se ne kemi ndikuar te ODIHR për të hequr emra është i rremë. Çdo aktor politik e di metodologjinë e përdorur nga ODIHR në raporte te tyre. Ata janë të pavarur dhe ne e mbështetim këtë. Këto zgjedhje janë shumë të rëndësishme, pasi janë të parat pas hapjes së negociatave me Shqipërinë për interesimin. Takova zotin Celibashi sepse doja një përditësim si mund të mbështesim komisionin. Kemi besim të plotë tek ta dhe do vijojmë mbështetjen pas zgjedhjes financiarisht dhe besojmë se kanë bërë një punë të shkëlqyer.
Ai theksoi edhe një herë sot rëndësinë e zgjedhjeve të 11 majit për procesin e integrimit të Shqipërisë në BE.
“Siç thashë në këto zgjedhje janë shumë të rëndësishme sepse janë zgjedhjet e para që ndodhin pas celjes së negociatave me Shqipërinë dhe kapitujt themelorë. Erdha të takoj Celibashin për ti ofruar mbështetjen dhe kemi besim të plotë në KQZ dhe pas zgjedhjeve do të vijojmë ta mbështesim. Deri tani KQZ ka bërë një punë të jashtëzakonshme”, tha Gonzato.
Pyetje: Disa media e interpretuan deklaratën tënde se ishte për PD-në?
“Jo jo . Ishte vetëm një deklaratë. Ne jemi këtu për të mbështetur Shqipërinë. Nuk jemi këtu të ndërhyjmë apo të manipulojmë. U shokova të shihja dhe bëra reagimi, nuk kisha qëllim të targetoja asnjë por të kundërshtoja atë lajm’ tha Gonzato.
Edhe kreu i KQZ-së Ilirjan Celibashi i bëri apel partive të reflektojnë për të pasur zgjedhje me integritet.
“Ndamë së bashku të njëjtën pikëpamje mbi rëndësinë e këtyre zgjedhjeve. Shqipëria është në një moment të rëndësishëm të procesit të integrimit europian ndaj është e rëndësishme që institucionte dhe partitë të reflektojnë përgjegjësitë e tyre për të pasur zgjedhje me integritet” tha Celibashi.
Discussion about this post