Albana Vokshi është shprehur se është përshpejtuar mbledhja në selinë blu, pasi Vokshi po shprehte mendimin për deklaratat e Bashës, që sipas saj janë krejtësisht të gabuara.Ajo u shpreh se Basha po ozurpon FRPD-në dhe Forumin e Gruas.
“U mbyll, mbledhja në vrap e sipër vetëm se unë po shprehja mendimin tim nga deklaratat që i konsideroj krejt të gabuara të lidershipit që po kërkon tani të ozurpojë edhe dy forumet, Forumin Rinor dhe atë të Gruas. Është vendim ozurpues dhe arbitrar. I paligjshëm dhe anti-statuor”.
Deputetja demokrate tha se Basha, ndonësë është kryetar i PD, nuk mund të shprehet në emër të demokratëve në lidhje me fundin e një lideri në Partinë Demokratike, pas nuk po jep një opinion që përfaqëson vetëm atë si individ.Fundin e një lideri sipas Vokshit, e përcaktojnë demokratët.
“Nëse ky është mendimi personal i Lulzim Bashës është ok por nuk mendoj se mund të flasë me këtë gjuhë në emrin tim. Lulzim Basha duhet të flasë pasi janë marrë vendimet në forume, duhen votuar dhe pastaj të dalë ti publikojë. Këtë deklarova në mbledhje por Basha tha se nuk janë në rend ditë dhe mbylli mbledhjen.”
Vokshi ka pretenduar se Basha nuk i ka krijuar mundësinë asaj dhe Edmond Spahos që të shfaqin qasjen e tyre me atë që po ndodh brenda partisë.
“Iku me vrap nga grupi parlamentar ndërsa unë distancohesha nga deklaratat e tij. E vendosin demokratët kur i përfundon koha kujt lideri të PD. Ai nuk e përcakton fundin e asnjë personi në politikë, aq më tepër të Sali Berishës. Ndërkohë Spaho kërkonte fjalën për ndryshimet kushtetuese që nuk janë diskutuar.”
Discussion about this post