Ka mbërritur në Tiranë presidentja e Komisionit Europian, Ursula Von Der Leyen, e cila është pritur nga kryeministri Edi Rama në pallatin e Brigadave.
Duke respektuar rregullat anti-Covid, dy zyrtarët e lartë nuk patën kontakt fizik me njëri-tjetrit, po u përshëndetën me dore në zemër.
Von der Leyen u prit me një ceremoni zyrtare në Pallatin e Brigadave, ndërsa aktualisht po zhvillon një bisedë me kryeministrin Rama pa praninë e mediave.
Pas këtij takimi, presidentja e KE do të takohet me presidentin Ilir Meta në orën 10:00 në Presidencë. Ndërsa rreth orës 11:15 Ursula von der Leyen do të vizitojë një shkollë në Qerek të Krujës ku do bëhet edhe konferenca për shtyp me kryeministrin Rama.
Sot në Tiranë, von der Leyen: Ndajmë një të ardhme të përbashkët europiane
Pak para vizitës të saj në Ballkanin Perëndimor, presidentja e Komisionit Evropian, Ursula von der Leyen ka reaguar përmes një posatimi në Twitter.
Von der Leyen, shkruan se kjo vizitë i paraprin samitit BE-Ballkani Perëndimor javën e ardhshme dhe se mesazhi i saj është për një të ardhme të përbashkët europiane.
“Sot filloj vizitën time në gjashtë vendet partnere të Ballkanit Perëndimor përpara Samitit tonë javën e ardhshme. Mesazhi im është i qartë: ne ndajmë një të ardhme të përbashkët evropiane. Ne jemi duke e përgatitur atë tani. Duke kapërcyer Covid, së bashku. Duke investuar në mënyrë strategjike. Duke i dhënë mundësi rinisë sonë”, shkruhet në postimin e saj në Twitter.
Von der Leyen do të jetë në orën 09:00 në Pallatin e Brigadave ku do të takohet me kryeministrin Edi Rama dhe do të mbahet një ceremoni zyrtare. Pas këtij takimi, presidentja e KE do të takohet me presidentin Ilir Meta në orën 10:00 në Presidencë. Ndërsa rreth orës 11:15 Ursula von der Leyen do të vizitojë një shkollë në Qerek të Krujës ku do bëhet edhe konferenca për shtyp me kryeministrin Rama.
Përpara Samitit BE-Ballkani Perëndimor që pritet të mbahet më 6 tetor, Ursula von der Leyen, do të jetë në Ballkanin Perëndimor nga e marta deri të enjten, për të vizituar Shqipërinë, Maqedoninë e Veriut, Kosovën, Malin e Zi, Serbinë dhe Bosnjën- Hercegovinën.
Presidentja e Komisionit Evropian viziton sot Tiranën, takim me Ramën dhe Metën
Presidentja e Komisionit Evropian, Ursula von der Leyen do të vizitojë ditën e sotme Tiranën. Mësohet se Von der Leyen do të jetë në orën 09:00 në Pallatin e Brigadave ku do të takohet me kryeministrin Edi Rama dhe do të mbahet një ceremoni zyrtare.
Pas këtij takimi, presidentja e KE do të takohet me presidentin Ilir Meta në orën 10:00 në Presidencë. Ndërsa rreth orës 11:15 Ursula von der Leyen do të vizitojë një shkollë në Qerek të Krujës ku do bëhet edhe konferenca për shtyp me kryeministrin Rama.
Së bashku me Ramën, ajo do të marrë pjesë në përurimin e shkollës “Korb Muça” dhe Kopshtit “Europa”, të cilat u rindërtuan me fondet e BE -së në kuadër të programit EU4Schools pas tërmetit tragjik të vitit 2019.
Përpara Samitit BE-Ballkani Perëndimor që pritet të mbahet më 6 tetor, Ursula von der Leyen, do të jetë në Ballkanin Perëndimor nga e marta deri të enjten, për të vizituar Shqipërinë, Maqedoninë e Veriut, Kosovën, Malin e Zi, Serbinë dhe Bosnjën- Hercegovinën.
Dy javë më parë ishte kancelarja në ikje e Gjermanisë, Angela Merkel qe vizitoi Shqipërinë në kuadër të turit të lamtumirës në Ballkan.
