Bashkia Dimal ka zhvilluar sot një mbledhje emergjente të Këshillit Bashkiak. Qëllimi i kësaj mbledhja ka qënë miratimi me votat e këshillit i mosshkrirjes së bashkisë Dimal.
18 nga 21 anëtarët Këshillit Bashkiak votuan “Pro” mosshkrirjes së bashkisë Dimal dhe shpalljen të pavlefshme të relacionit të propozuar për shkrirjen e kësaj bashkie
Fillimisht,në mbledhjen e zhvilluar u lexua relacioni i propozuar për shkrirjen e bashkisë Dimal dhe bashkimin e saj me bashkinë Berat.
Sipas relacionit, të vetmet arsye të parashtuara në të kanë qenë: lidhja historike e hershme (ish rrethet), shtrirja përgjatë lumit Osum dhe ekzistenca e Spitalit në Berat,arsye këto që sipas anëtarëve të Këshillit Bashkiak Dimal nuk përputhen me analizën e raportit të ekspertëve.
Sipas këshilltarëve bashkiak, bashkia Dimal në këto 10-vitet e fundit ka pasur një mesatare 38% të investimeve të kryera me buxhetin e vet aktiv,duke e renditur Dimalin të 5 në rang vendi,ndërsa bashkia Berat e ka pasur këtë parametër në mesataren 7%.
Sipas këshilltarëve, ndryshe nga sa konsiderohet në relacion, shkrirja nuk do të sjellë për Dimalin kapacitet të shtuar investues, bashkimi me Beratit do të ndikojë negativisht në ekonominë e zonës, sidomos për fermerët e kësaj bashkie që eksportojnë prej vitesh prodhimet e tyre bujqësore dhe të serave në tregjet ndërkombëtare.
Pas diskutimeve të këshilltarëve bashkiak, të gjithë njëzëri dolën në përdundimin se: “Në relacion, në kundërshtim me nenin 89, nuk argumentohen as me fake dhe as me studime fizibiliteti avantazhet e kësaj shkrirje”.
Pra, duke argumentuar se në këto kushte propozimi është i pavlefshëm, 18 nga 21 anëtarët e Këshillit Bashkiak Dimal kanë miratuar me votat “Pro” pavlefshmëtinë e këtij propozimi dhe po me votat “Pro” moshkrirjen e Dimalit si bashki.
Discussion about this post