Saimir Vishaj pedagog nga Universiteti Luarasi, në bazë të votave për Këshillin e Lartë Gjyqësor ka fituar vendin e parë dhe gjashtë kandidaturat e tjera janë renditur më pas.
Konkretisht, për Këshillin e Lartë Gjyqësor, kandidaturat që u votuan janë; Artan Koçi nga Universiteti i Tiranës (UT), Endri Papajorgji nga Tirana Business University, Ilir Rusi nga UT, Orjona Muçollari nga UT dhe Yllka Rupa nga Universiteti “Luigj Gurakuqi”, Shkodër.
Për Këshillin e Lartë të Prokurorisë; Artan Koçi dhe Mirela Bogdani nga Shkolla e Magjistraturës, Yllka Rupa, Endri Papajorgji dhe Saimir Visha, i propozuar nga Universiteti “Luarasi”.
Aktualisht në Kuvend do të shkojnë 6 kandidatura që varet nga Komisioni Ligjeve i cili do të ndërtojë një nënkomision, 3 nga pozita, 2 nga opozita ku do të zgjedhin 2 anëtarë për KLP që do të zëvendësojnë kryetarin e Këshillit të Lartë të Prokuroisë Gent Ibrahimi dhe Këshillin e Lartë Gjyqsor në radhët e pedagogëve.
Brenda 10 ditëve, sekretari i përgjithshëm duhet ti çojë emrat në Kuvend për votim.
