Ish kryeministri Sali Berisha u pyet në konferencën për mediat në lidhje me miratimin në Kuvend të ligjit për hapjen e dosjeve të Sigurimit. Ky ligj kaloi me 94 vota ku 20 prej tyre ishin të deputetëve të PD që mbështesin grupin e Alibeajt.
Ish kryeministri theksoi se PD është plotësisht për hapjen e dosjeve për çdo individ që kërkon të njihet me dosjen e tij, por amendamenti i PS, sipas tij është ligj anti-Meta.
“Hapja e debatit për ligjin e gjahut të shtrigave për Metën se ai është amendament anti Meta të kuptohemi, ne menduam të rikthejmë ligjin e lustracionit se çdo i përndjekur politik por dhe shoqëria kërkon që ata të kryejnë krime gjatë diktaturës komuniste të mos jenë në funksione zyrtare. Janë dy komisione, kanë dhënë certifikata, po gjete prova të reja shko në Gjykatë. Po ta ndryshosh me një komision të tretë këtë do të thotë ta bësh me gjah shtrigash. E bën Rama që mendon të përdorë këto mekanizma si rrugë hakmarrje personale ndaj kundërshtarëve politikë por që do të dështojë”, u shpreh Berisha.
Discussion about this post