Kryetari i Partisë Demokratike, Lulzim Basha ka mbyllur sot fushatën në qytetin e Shkodrës, i cili në datën 6 mars do të shkojë në zgjedhjet e pjesshme për kryetar bashkie. Në fjalën e tij para gjithë demokratëve, Basha tha se duhet të bëhen të gjithë bashkë për të çarë rrethimin e të keqes. Basha ftoi të gjithë të dalin masivisht në votime dhe u shpreh se duhet të bëhemi bashkë për një Parti Demokratike, duke votuar Xhemal Bushatin.
“Në këto zgjedhje, kujdestarit i kemi vënë fytyrën tuaj, fytyrën e qytetarit, e guximtarit, fytyrën e Xhamal Bushatit, birit shkodran dhe demokratit shkodran i cili edhe në këtë rrethim ku ndodhemi është bërë zëri juaj, shpresa juaj për të mos e lejuar Shkodrën të bjerë ne errësire, por për të qëndruar të gjithë bashkë. Ju ftoj që këtë energji që kemi mbledhur ta derdhni vrullshëm, të gjithë bashkë për të carë rrethimin e të keqes. Të gjithë masivisht të diele, për një Parti Demokratike, votoni numrin 3 dhe Xhemal Bushatin”, tha Basha.
Discussion about this post