Policia ka bërë të mundur arrestimin e dy autorëve të dyshuar për ngjarjen e 55-vjeçarit, Rakip Roli. Të arrestuarit janë Skënder dhe Ilaj Lika, të cilët fshiheshin në zonën e Fushë Milotit, ku u bë i mundur arrestimin e tyre. Policia ka publikuara edhe videon nga momenti i arrestimit babë e bir, ku shihet se armën e kishin fshehur në turrën e druve. Në lidhje me ngjarjen është ndaluar dhe një person i tretë. Ai është Klaudio Beleshi, shoferi, i cili fshehu dhe ndihmoi babë e bir. Ndërsa kujtojmë se këtë mëngjes janë marrë në pyetje të paktën 17 pësona, të cilët dyshohen se kishin informacione në lidhje me ngjarjen. Kujtojmë se, biznesmeni i njohur u ekzekutua me armë zjarri ditën e djeshme në një atentat të organizuar vetëm pak metra larg banesës së tij në një fshat të Kurbinit.
Ngjarja e rëndë ndodhi në ora 08:45 në rrugën kryesore të fshatit Sanxhak, në dalje të qytetit të Laçit. Ai është qëlluar disa herë me armë zjarri që dyshohet të jetë automatik dhe si pasojë e plagëve të marra ka ndërruar jetë në vend. Viktima po udhëtonte me automjetin e tij tip “Audi” ku dy persona i kanë ndërprerë rrugën dhe e kanë qëlluar me breshëri automatiku, ndërsa makina ka devijuar në kanalin kullues anash rrugës. Sakaq, policia po merr në pyetej dy autorët, për të zbuluar më shumë rreth shkaqeve që çuan në arrestimin e tyre.
Discussion about this post