Gjykata e Tiranës ka marrë në gjykim dosjen në ngarkim të babë e bijë, të cilët akuzohen se në bashkëpunim me njëri-tjetrin vranë para dyerve të Gjykatës Civile të Tiranës të riun, ngjarje e ardhur pas një sherri për kujdestarinë e fëmijëve, ditën kur do të nënshkruhej divorci mes Dhuratës dhe Kudretit.
Kujtojmë se nga të shtënat me armë në drejtim të Kudret Saliajt nga Mexhit Picari, mbeti i plagosur edhe avokati Adriatik Cama që ndodhej në të njëjtën tavolinë me viktimën, vepër për të cilën do të japin llogari para gjykatës autorët.
Prokuroria e cilësoi të organizuar vrasjen e 43-vjeçarit duke ngritur një akuzë më të rëndë ndaj Mexhit Picarit dhe vajzës së tij Dhuratës, atë të vrasjes në rrethana të tjera cilësuese pasi e kanë organizuar vrasjen më 4 qershor të vitit të kaluar.
Akuzat e ngritura ndaj tyre janë për “vrasje e funksionarëve publikë”, mbetur në tentativë, “vrasje për shkak të marrëdhënieve familjare” dhe “armëmbajtje pa leje”. Disa javë më parë, u evidentuan përplasjet mes familjeve përkatëse për kujdestarinë e 3 fëmijëve të çiftit të cilët deri më sot kanë qëndruar tek familjarët e Kudretit.
Discussion about this post