Dy të rinj shqiptarë kanë rënë në prangat e Policisë spanjolle, pasi dyshohen si autorët e një vrasjeje të ndodhur dy vjet më parë në Volfsburg të Gjermanisë. Të arrestuarit janë identifikuar si Orgest Kurteshi dhe Eglis Veraj, të cilët pritet të ekstradohen drejt Gjermanisë.
Kurteshi, 33 vjeç dhe Eglis Veraj, 27 vjeç, akuzohen për një vrasje të ndodhur në 13 gusht të vitit 2019, në Vorsfelde të Volfsburgut, ku një 20-vjeçar u gjet i plagosur rëndë në rrugë dhe më pas humbi jetën në spital. Një tjetër 31-vjeçar i plagosur arriti që të mbijetonte.
Operacionit i është vendosur emri “Tattoo”, pasi pak kohë para se të vriteshin, dy të rinjtë sapo kishin dalë nga një studio tatuazhi. Ende nuk dihet se cila është arsyeja që ka shkaktuar atentatin ndaj të rinjve, por hetimi është përqendruar tek pista e prishjes së pazareve të drogës.
Discussion about this post