Një shqiptar i akuzuar për vrasje në Shqipëri, është arrestuar pasditen e sotme nga karabinierët në Itali. Për arsye hetimore, identiteti i tij nuk është publikuar ende, ndërsa mediat lokale bëjnë me dije se ai ishte shpallur në kërkim nga drejtësia Shqiptare, por prej disa kohësh jetonte në Varese.
Shqiptari, i paidentifikuar nga mediat italiane, u arrestua nga policia mbrëmë (10 tetor) gjatë një sërë kontrollesh. Personi është përgjegjës edhe për veprën penale të prodhimit pa leje të armëve të zjarrit dhe municionit.
Mediat italiane gjithashtu bëjnë me dije se, personi i arrestuar u kap teksa drejtonte një mjet tip ‘Mercedes’, teksa po kalonte përmes Viale Belforte.
Pas kontrollit të plotë, agjentët zbuluan se ai ishte person i kërkuar nga autoritetet shqiptare, ndërsa akuzohet nga Gjykata e Lezhës për vrasje dhe prodhimit të paligjshëm të armëve të zjarrit dhe municioneve. Tashmë shqiptari ndodhet në paraburgim dhe pritet ekstradimi i tij drejt Shqipërisë.
Discussion about this post