Një krim i rëndë ka ndodhur këtë të dielë në Vushtri ku një person u vra me armë zjarri dhe dy të tjerë u plagosën. Të plagosurit janë dërguar për trajtim spitalor në QKUK, nga ku raportohet se njëri ndodhet në gjendje më të rëndë shëndetësore.
Lidhur me ngjarjen e rëndë ka reaguar kryeprokurori Ismet Ujkani, i cili tha se po ndërmerren të gjitha veprimet për ndriçimin e vrasjes dhe plagosjes së dyfishtë.
“Prokurori kujdestar ka shkuar në vendin e ngjarjes, bashkë me policinë po marrin veprime në drejtim të hetimit dhe ndriçimit të ngjarjes. Për detaje të tjera nesër”, tha Ujkani të dielën.
Për këtë ngjarje janë arrestuar dy persona dhe është konfirskuar një armë.
“Rreth orës 15:50, është raportuar se në kryqzimin e rrugëve ” Mehmet Konjuhi” dhe “Rifat Galica” nga arma e zjarrit ka humbur jetën një person ndërsa dy persona tjerë kanë mbetur të plagosur..Lidhur me rastin janë arretuar dy persona të dyshuar si dhe është konfiskuar një armë. Hetimet e mëtejme po vazhdojnë nga njësite përkatëse policore”, tha Avni Zahiti, zëdhënës në policinë rajonale të Mitrovicës.
Discussion about this post