Gjykata Themelore në Ferizaj, ka aprovuar kërkesën e Prokurorisë Themelore, për caktimin e masës së paraburgimit kundër të pandehurit Dardan Krivaqa, cili dhunoi për vdekje bashkëjetuesen e tij.
Sipas njoftimit, pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, Ibrahim Idrizi, ka vlerësuar se ekziston dyshimi se i pandehuri më 22 gusht 2021, në Ferizaj, në banesën e tij, me dashje dhe në mënyrë mizore për motive të ulëta, një natë përpara, ka ushtruar fillimisht dhunën psiqike, pastaj edhe dhunë fizike, e cila ka vazhduar derisa e ndjera 18-vjeçarja Marigona Osmani ka ndërruar jetë.
Ndërkohë i pandehuri tjetër Arbër Sejdiu gjatë gjithë kohës ka qenë i pranishëm, në vendin e ngjarjes, dhe ka marrë pjesë në ushtrimin e dhunës fizike dhe psiqike.
