Vetëdorëzohet autori i dyshuar Axel Hoxhaj i ngjarjes së ndodhur me datë 18.04.2023, ku humbi jetën 20-vjeçari Stiven Toshkëzi. Si rezultat i kontrolleve të pandërprera nga shërbimet e Policisë dhe falë negociatave të vazhdueshme me familjarët, ditën e sotme, në DVP Tiranë, është vetëdorëzuar shtetasi Axel Hoxhaj, 18 vjeç, banues në Tiranë.
Stivens Toshkëzi, pas ngjarjes, u nis me urgjencë në spital, por për shkak të plagëve të marra humbi jetën në ambientin spitalor.
Toshkëzi u godit disa herë me thikë nga dy të rinjtë. Mësohet se policia ka arrestuar Ensi Mazen, ndërsa ka shpallur në kërkim Axel Hoxhajn.
“Si rezultat i kontrolleve të pandërprera të shërbimeve të Policisë, është kapur dhe vënë në pranga njëri nga autorët e ngjarjes së ndodhur gjatë natës, shtetasi E. M”, njoftonte më herët policia.
Sherri mes adoleshentëve që degradoi në përdorim të thikave dyshohet se ka ndodhur për shkak të një vajze.
Axel Hoxhaj
Discussion about this post