Vrasja e 23-vjeçares Sabina Bengaj nga Fieri pak ditë më parë nga bashkëshorti me të cilin ishte në proces divorci, ka shkaktuar indinjatë në mbarë vendin. Për t’i thënë jo vrasjes së grave dhe për të rritur ndëshkueshmërinë e atyre që guxojnë të ngrenë dorë tyre, nisi nga Elbasani nënshkrimi i peticionit për ndryshimin e Kodit Penal. Peticioni do të firmoset në të gjithja qytetet për të përfunduar më pas në Parlament ku do të kërkojë firmën e deputetëve të Kuvendit për ashpërsimin e sanksioneve. Organizatorja e peticionit, pjesë e Shoqërisë Civile, Anisa Bahiti teksa foli për rëndësinë e peticionit u shpreh e indinjuar për pjesmarrjen e ulët të grave në aktivitet. Bahiti kërkoi më shumë mbështetje.
Juristja, Elena Xhina pohoi se ligjet në Shqipëri janë të forta, por çalon zbatueshmëria e tyre. Xhina foli me shqetësim për mos mbrojtjen e jetës së gruas kur ajo disponon urdhër-mbrojtje.
Pavarësisht se thirrja për t’iu bashkuar kauzës dhe firmosur peticionin ishte shpërndarë në rrjetet sociale, të pakta ishin femrat që morën pjesë.
