Detaje të reja janë zbuluar nga ngjarja e rëndë e ndodhur në shtetin e Belgjikës ku mbeti i vdekur një 28-vjeçar shqiptar. Hetimet për vrasjen e 28-vjeçarit shqiptar në qytezën Ijzer në Belgjikë, Ilir S., i njohur ndryshe edhe si Maris S, kanë marrë një kthesë të fortë. Hetuesit kanë prova të sigurta se ka qenë vjehrri ai që i ka marrë jetën shqiptarit dhe kanë urdhëruar arrestimin e tij.
Mediat belege shkruajnë se piktori 54-vjeçar, Stephane V., nga Nieuwpoort, ka qenë i dyshuari i vetëm në këtë çështje. Provat që e vërtetojnë këtë janë solide, shkruajnë mediat belge, të cilat sqarojnë se ishte vetë 54-vjeçari që pranoi se kishte pasur një debat me dhëndrin e tij, ditën e vrasjes, por nuk e kishte vrarë ai. Provat në fakt tregojnë një tjetër version. Ekspertiza ka gjetur gjurmë baruti në duart e 54-vjeçarit, çka i ka bindur prokurorët se ai është vrasësi dhe sipas tyre çështja mund të jetë afër përfundimit të saj.
Ilir S. nga Koekelare, i cili gjithashtu njihej edhe si Mario S., u gjet i vrarë mbrëmjen e 18 korrikut në qytezën Ijzer, pranë motoçikletës së tij të parkuar.
Ngjarja dukej si një larje hesapesh çka i çoi hetuesit në arrestimin e të dyshuarit, vjehrri i viktimës Stephane V. (54), një piktor i pavarur nga Nieuwpoort i cili do të kishte bërë deklarime të gjera para hetuesve dhe gjyqtarit hetues, nga të cilat rezultonte se marrëdhënia me dhëndrin nuk ishte e mirë prej vitesh.
Iliri nuk ishte i martuar me vajzën e tij Melanie, por së bashku me të kishte një vajzë 5-vjeçare dhe kujdesej edhe për fëmijën e saj nga një lidhje e mëparshme.
Discussion about this post