Agjenti i krimeve në Dibër Arbër Sula, i cili është autori i dyshuar i vrasjes së 29-vjeçarit Jurgen Duka për motive banale në një market, mëngjesin e sotëm, përshkruhet si një person i qetë në rradhët e policisë. Arbër Sula mësohet se ditën e sotme ishte caktuar të kryer testin e drogës, urdhëruar nga drejtori i Përgjithshëm i Policisë së Shtetit Gledis Nano. Por mesa duket agjenti i krimeve në Dibër, u bë pjesë e një krimi këtë herë si autor, ndaj nuk mundi t’i nënshtrohen urdhërit që ka larguar nga puna disa kolegë të tij.
Gjithashtu bëhet me dije se policia po kërkon disa banesa në zonën ku Arbër Sula jeton, në Sauk, me synim arrestimin e tij, por deri tani nuk ka mundur të bie në gjurmët e policit.
Pamjet e siguruara nga kamerat e sigurisë tregojnë se viktima dhe autori kanë debatuar se kush prej tyre do të bënte i pari pagesën në kasë, teksa më pas janë konfrontuar fizikisht. Arbër Sula pas përplasjes fizike me viktimën ka nxjerrë armën dhe e ka qëlluar në zemër duke i shkaktuar vdekjen. Menjëherë pas këtij veprimi ai është larguar me vrap, teksa ende nuk dihet vendndodhja e tij.
Discussion about this post