Zv.ministër i Brendshëm, Besfort Lamallari ka reaguar lidhur me vrasjen e 29-vjeçarit, Jurgen Duka, i cili u vra mëngjesin e sotëm me plumb në zemër nga punonjësi i policisë gjatë një konflikti për rradhën në market. Lamallari është shprehur se ky është një fenomen global, jo vetëm kombëtar.
“Plani i veprimit që u miratua del në zbatim të kontrollit të armëve të vogla, të lehta, dhe të eksplozivëve për periudhën 2019-2024. Është një plan gjithëpërfshirës e drejtimti strategjik të qeverisë shqiptare. Ky fenomen nuk është vetëm kombëtar, por edhe rajonal dhe botërore.”
Lamallari shtoi se Shqipëria është vendi i parë në rajon që ka implementuar legjislacionin e brendshëm sa i takon sekuestrimit të armëve, teksa vendi bashkëpunon me disa institucione që ndalojnë këtë fenomen.
Ajo cfarë ne duam të realizojmë është që të përmirësojmë kuadrin ligjor dhe ta përshtasim me atë europian. Në 7 shtator patëm edhe ministerialin e ministrave të Brendshme dhe komisioneri tha se Shqipëria është vendi i parë në rajon që ka implementuar legjislacionin e brendshëm sa i takon sekuestrimit të armëve. Ne kemi më shumë organizim më të mirë me partnerët si brenda ashtu edhe jashtë vendit. Konkretisht kemi disa institucione të cilat bashkëpunojnë për të ndaluar këtë fenomen.”
Autori i dyshuar i vrasjes së Jurgen Dukës, mësohet se është shtetasi Arber Sula, banues në Sauk, punonjës policie në DVP Dibër. Por ky nuk është rasti i parë i efektivëve të policisë që përdorin armën ndaj qytetarëve. Një ndër rastet më të bujshme është dhe ai i vrasjes së Klodian Rashës që u bra nga efektivi i policisë Nevaldo Hajdaraj.
Discussion about this post