Një dëshmitare ka hedhur dyshime të forta mbi motivet e vrasjes së 8-vjeçarit të mitur Mateo Vasiu, nga 38-vjeçari Klodian Çalamani në fshatin Gracelli të Fierit.
Në një intervistë për mediat, dëshmitarja tha se në këtë ngjarje është e përfshirë një femër. Madje ajo kërkoi që të merren shenjat e gishtave të të gjithë familjarëve pasi sipas saj, një person tjetër shumë i ngushtë është i përfshirë.
Sipas dëshmitares, 8-vjeçari i mitur ka qenë dëshmitar i një ngjarje dhe kjo i ka marrë vogëlushit jetën.
“Nuk është vetëm Klodiani në këtë mes, por edhe një femër. Tezja e Mateos ka telefonuar vetë një person para dy ditësh dhe ajo e di këtë. Pra të merren shenjat e gishtave, qoftë te nusja e xhaxhait, qoftë edhe një person tjetër shumë i ngushtë. Për atë që ka bërë Klodiani ai duhet të varet. Por nëse do të ishte vrasës ai do të kishte vrarë fëmijë me kohë. Ku e dinte nëna që vëllai ishte sëmurë, ku i dinte nëna këto biseda…Unë mendoj që Mateo ka parë diçka, ai donte të thoshte një sekret tek xhaxhi dhe tezja. Mateo është dëshmitar i një ngjarje” – ka thënë ajo.
Këtë version e mbështeti edhe nga tezja e Mateos. “Jam dakord me dëshmitaren. Mateo ka qenë dëshmitar i një ngjarje. Përse u akuzohet motra ime. Kam parë në media që fajtore është Florinda. Të dalë e vërteta. Motra ime ishte në punë, kush është ajo nënë që vret fëmijën e saj” – ka thënë më tej tezja e 8-vjeçarit.
Discussion about this post