Per vrasjen e gjyqtarit Astrit Kalaja në Gjykatën e Apelit, caktohet relatori për ankimimin e masës së sigurisë nga Gjon Shkambi.
Kështu u vendos që çështja do të shqyrtohet nga gjyqtari Gent Shala. Xhaxhai i autorit të krimit Elvis Shkambi brenda gjykatës së Apelit ka kërkuar ndryshimin e masës së sigurisë. Data e seancës do të përcaktohet në ditët në vijim.
Ai akuzohet për “vrasje në rrethana të tjera cilësuese, e mbetur në tentativë”, për shkak të dyshimeve të prokurorisë se kishte dijeni për planin e nipit të tij, Elvis Shkambi, i cili hapi zjarr brenda sallës së gjyqit.
Në seancën gjyqësore të drejtuar nga gjyqtarja Marinela Osmani, Gjon Shkambi mohoi kategorikisht çdo përfshirje në vrasje, duke deklaruar se ishte duke dalë nga salla në momentin që ndodhi ngjarja. “Nuk kisha dijeni për veprimin e Elvisit, po dilja nga salla e gjyqit kur ai qëlloi gjyqtarin,” tha ai para trupit gjykues, duke u distancuar nga veprimet e nipit.
Megjithatë, prokuroria e Tiranës argumenton se Gjon Shkambi ka qenë i përfshirë të paktën në mënyrë të tërthortë, duke nënvizuar deklaratat e mëparshme publike të tij për çështjen e pronësisë në Shkodër dhe konfliktet me palët kundërshtare. Organi i akuzës dyshon se ai ka pasur rol nxitës dhe ka qenë në dijeni të tensioneve që çuan në aktin ekstrem të vrasjes brenda gjykatës.
gijotina.com/
Discussion about this post