Sektori i Krimeve të Rënda nën drejtimin e Prokurorisë në kuadër të operacionit policor të koduar “Qafë Molla”, kanë vënë në pranga vëllain e autorit të dyshuar të krimit. 42-vjeçari dyshohet se ka bashkëpunuar me të vëllain në vrasjen e biznesmenit Rruzhdi Hoxha.
Në vijim të punës intensive hetimore dhe profesionale me qëllim dokumentimin e autorsisë së rrëmbimit, vrasjes dhe më pas zhdukjes së kufomës së shtetasit Ruzhdi Hoxha, prej disa ditësh ka vijuar operacioni policor i kodur “Qafë Molla”.
Si rezulat edhe i kontrollit me qentë e gjurmës, në Qafë Mollë, mbrapa Dajtit, në një greminë, u gjet i mbulur me zhavor e gurë trupi i pajetë i shtetasit Ruzhdi Hoxha.
Biznesmeni Ruzhdi Hoxha u qëllua me dy plumba një në qafë një në gjoks, aipas ekspertizës mjeko-ligjore.
Shkaqet e krimit janë ende te paqarta, pasi nuk është siguruar ende dëshmia e të dyshuarit kryesor, Fredi Rrushit. Burime për gijotina.com bëjnë me dije se, sot atij do t’i komunikohet akuza e vrasjes me paramendim, ndërsa të hënën 43 vjeçari Rrushi do merret ne pyetje nga oficerët e Krimeve të rënda
Dëshmitë e familjarëve të viktimës dhe miqve të tjerë të Hoxhës, shtojnë dyshimet se ai mund të ketë kryer vrasjen.
Burime për gijotina.com bëjnë me dije se Rrushi telefonoi mikun e tij Ruzhdi Hoxha 4 herë pasditen e 20 tetorit, por ky i fundit nuk i ishte përgjigjur. Pra telefonata e fundit që viktima ka bërë është me të dyshuarin Ferdinand Rrushi.
Discussion about this post