Policia ka identifikuar një person, i dyshuar si autor në vrasjen e ndodhur mëngjesin e sotëm në Laç, ku viktimë mbeti Rakip (Pilot) Roli. Burime për Gijotina.com bëjnë me dije, se ka dyshime që autori është nisur me automjet drejt Elbasanit.
Për këtë arsye në hyrje dhe daljet e Elbasanit janë duke u ngritur postblloqe.
Roli dhe familja e tij janë persona të njohur në zonën e Laçit, dhe kanë disa biznese, përfshirë mjetet e transportit të rëndë, si dhe një pikë materialesh ndërtimi.
Emri i tij nuk është i panjohur as për policinë, pasi biznesmeni është vënë në pranga në vitin 2011, si autor i rrahjes me pasojë plagosjen e rëndë të një 22-vjeçari. Mësohet se makina e viktimës ka ecur dhe për disa metra pas breshërisë së plumbave, dhe ka përplasur dy mjete të tjera.
Discussion about this post