Grupi hetimor ka zbuluar të tjera detaje nga vrasja e çiftit Pasho nga Vlora. Ngjarja e rëndë ndodhi në Itali, ku trupat e Shpëtim dhe Teuta Pasho, u gjetën të copëtuar në valixhe.
Në përfundim të hetimeve, bëhet me dije se autori i ngjarjes nuk është djali i tyre Taulanti, por ish e fejuara e tij, Elona Kaleshi. Djali i çiftit, aktualisht ndodhet në burg, por për akuza të tjera, pasi ai nuk ka gisht në ngjarjen e rëndë.
Elona Kaleshi është ndihmuar nga vëllai i saj Denisi, teksa bëhet me dije se bashkëshorti i saj nuk kishte asnjë dijeni në lidhje me ngjarjen tronditëse.
Pak ditë përpara zhdukjes së çiftit, Elona Kaleshi ka abortuar në spitalin e Firences, një fëmijë për të cilin ish-bashkëshorti i saj Taulanti, pranoi se nuk kishte atësinë, për shkak se ai ka qenë duke vuajtur dënimin në burg. Pak ditë para se çifti Pasho të zhdukej, Teuta kishte kërkuar të komunikonte me të birin Taulantin, teksa bënte me dije se donte t’i tregonte diçka në lidhje me Elonën. Dyshimet janë të forta se ka qenë pikërisht abort i bërë nga Elona Kaleshi, ngjarja të cilën e ëma do t’ia tregonte Taulantit në burg. Në momentet kur ish-bashkëshortja e tij është njoftuar për këtë komunikim që pritej të ndodhte, atëherë ka vrarë çiftin Pasho. E gjitha kjo, në mënyrë që asgjë mos të merrej vesh, ku tregohet se Elona ka kryer dhe tradhtinë ndaj ish-bashkëshortit të saj.
Ky është një ndër detajet kryesore, me të cilët grupi hetimor ka konfirmuar se Taulanti është i pafajshëm, ndërsa prindërit e tij janë vrarë nga Elona Kaleshi në bashkëpunim me vëllain e saj.
