Ministri grek për mbrojtjen e qytetarëve Takis Theodorikakos ka reaguar pas vrasjes së dy shqiptarëve Kreshnik Çerçizaj dhe Armando Ogranja në shtetin fqinj. Duke iu referuar policisë, ai është shprehur se bëhet fjalë për një larje hesapesh mes njerëzve që i përkasin mafies shqiptare, ndërsa nuk ka pranuar të japë më shumë detaje.
“Sa i përket vlerësimit të policisë, bëhet fjalë për një larje hesapesh mes njerëzve që i përkasin mafies shqiptare, mbase ka degëzime të tjera, për të cilat mund të kemi edhe një bashkëpunim ndërkombëtar, por nuk do të përgjigjem në pyetje më specifike”, ka thënë ai, duket shtuar: “Hetimet janë në vazhdim. Hetimet nuk ndalen, sidomos kur bëhet fjalë për vrasje, vetëm kur të gjendet autori” .
Discussion about this post