Policia vijon kërkimet për gjetjen e trupit të 31-vjeçari Eraldo Nevruzi, i cili dyshohet të jetë qëlluar dhe vrarë në një nga dhomat e hotelit ku ai punonte si recepsionist, në Dhërmi.
Autor i dyshuar i kësaj ngjarjeje është Gerald Shehu, bashkëpronar i hotelit, ndërsa kërkimet për gjetjen e trupit të 31-vjeçarit janë të përqendruara në zonën e Vunoit.
Sipas informacioneve makina e autorit është gjetur në Sarandë.
Një grup ekspertësh po bën ekzaminimet për të parë nëse ka gjurmë të personit të zhdukur. Ka dyshime se autori ka transportuar me makinë pas ngjarjes në hotel.
Rreh orës 00:30 të ditës së sotme (6 qershor), në një nga dhomat e një hoteli në Dhërmi, Gerald Shehu ka debatuar me 31-vjeçarin Eraldo Nevruzi, i cili ishte i punësuar si recepsionist.
Pas debateve, për arsye që ende nuk janë bërë të ditura, Shehu ka nxjerrë armën dhe ka qëlluar Nevruzin, trupi i të cilit ende nuk është gjetur.
Ndërkohë, pas ngjarjes Shehu është arratisur në drejtim të Greqisë, por ai u vu në pranga nga autoritetet greke, pasi policia shqiptare i njoftoi për ngjarjen dhe u vuri në dispozicion foton.
Discussion about this post