Në seancën që u zhvillua ndaj Nevaldo Hajdarit, prokuroria kërkoi dënimin me 20 vite burg. Më tej, prokuroria tha se nuk ka rrethana lehtësuese për ish efektivin, kjo për shkak të tentativave për të sjell një version i cili nuk qëndron, pra të rrezikut që i kanosej nga viktima Klodian Rasha.
Nga ana tjetër, avokati i Nevaldo Hajdarit tha se Gjykata e Apelit duhet të ndryshojë veprën penale, pasi vrasja nuk ka qenë me dashje, por në kapërcim të nevojës për tu mbrojtur, kjo pasi Ish efektivi pretendon se ka ndjerë rrezik për jetën.
Qazim Rasha, babai i viktimës, i cili tha se: Jam një prind përballë një padrejtësie dhe ju, gjyqtarët jeni ata që duhet ta vendosni atë për t’më lehtësuar edhe mua. Pretendimet e avokatëve dhe të pandehurit për rrezik, janë lojra dhe një telenovelë që se beson asnjëri, ato nuk qendrojnë.
Në fund Gjykata është tërhequr për vendim.
Vrasja e Klodian Rashës
Kujtojmë që Klodian Rasha u vra më datë 8 dhjetor 2020, në orët e para të mëngjesit në rrugën “Dritan Hoxha”, në Tiranë, teksa përpiqej t’i shpëtonte arrestimit pasi kishte dalë jashtë orës policore. Ai u qëllua nga një distancë prej 5 metrash nga ish-efektivi i policisë, Nevaldo Hajdaraj. Në atë kohë, policia sekuestroi pamjet filmike nga Prokuroria e Tiranës, në të cilat shihej qartë ngjarja e ndodhur. Sipas grupit hetimor, në filmim shihet se si polici është pozicionuar për të qëlluar me armën e tij të shërbimit. Ndërkohë, në filmime shihet gjithashtu edhe se si viktima po përpiqej të largohej me vrap, ndërsa Nevaldo Hajdaraj u shtri në trotuar për të qëlluar dy herë drejt Klodian Rashës. Arrestimi i ish-efektivit u bë menjëherë. Ai u akuzua fillimisht për veprën penale “Vrasje në tejkalim të mbrojtjes së nevojshme”, por gjatë hetimeve u zbulua se vrasja ishte me dashje nga ana e tij dhe mund të ishte shmangur si ngjarje.
Discussion about this post