Dënohet me vendim të formës së prerë Nevaldo Hajdaraj. Apeli i Tiranës ndryshon vendimin e shkallës së parë. Hajdaraj u dënua me 18 vite burg.
Për shkak të gjykimit te shkurtuar i ulet dënimi me 1/3. Ish efektivi përfundimisht dënohet me 12 vite.
Vrasja e Klodian Rashës
Kujtojmë që Klodian Rasha u vra më datë 8 dhjetor 2020, në orët e para të mëngjesit në rrugën “Dritan Hoxha”, në Tiranë, teksa përpiqej t’i shpëtonte arrestimit pasi kishte dalë jashtë orës policore. Ai u qëllua nga një distancë prej 5 metrash nga ish-efektivi i policisë, Nevaldo Hajdaraj. Në atë kohë, policia sekuestroi pamjet filmike nga Prokuroria e Tiranës, në të cilat shihej qartë ngjarja e ndodhur. Sipas grupit hetimor, në filmim shihet se si polici është pozicionuar për të qëlluar me armën e tij të shërbimit. Ndërkohë, në filmime shihet gjithashtu edhe se si viktima po përpiqej të largohej me vrap, ndërsa Nevaldo Hajdaraj u shtri në trotuar për të qëlluar dy herë drejt Klodian Rashës. Arrestimi i ish-efektivit u bë menjëherë. Ai u akuzua fillimisht për veprën penale “Vrasje në tejkalim të mbrojtjes së nevojshme”, por gjatë hetimeve u zbulua se vrasja ishte me dashje nga ana e tij dhe mund të ishte shmangur si ngjarje.
Discussion about this post