Ndërsa kanë kaluar disa ditë nga vrasja e Mateos 8-vjeçar, të tjera detaje dalin në dritë. Mësohet se familjarët e djalit, përkatësisht nëna dhe dy të afërme të familjes i janë drejtuar mbrëmjen e djeshme policisë së Fierit ku kanë denoncuar duke hedhur akuza se një grua, e afërme e familjes, mund të ketë dijeni mbi ngjarjen dhe këtë e bazojnë në disa qëndrime të saj gjatë gjithë këtyre ditëve.
Mësohet se disa deklarata të dhëna nga autori i ngjarjes, Klodian Çalamani, përpara se të zbulohej trupi i pajetë i 8-vjeçarit, janë të njëjta me ato të gruas, e cila sipas burimeve, është e madhe në moshë dhe banon fare pranë shtëpisë së 8-vjeçarit dhe asaj të autorit të ngjarjes.
Po të njëjtat burime bëjnë me dije se ka qenë pikërisht i njëjti person ai që i ka thanë familjarëve të Mateos se një makinë kishte kaluar në rrugën pranë shtëpisë e ndoshta mund të kishte lidhje me humbjen e Mateos, e njëjta deklaratë dhënë nga autori. Gruaja për të cilën familjarët kanë dyshime pritet të merret në pyetje nga grupi i hetuesve për të hedhur dritë jo vetëm mbi ngjarjen por edhe nëse ka pika kontakti me autorin e saj që mund ta përfshijnë.
Ditën e djeshme familjarët e 8-vjeçarit Mateo Vasiu, i cili u vra brutalisht pak ditë më parë në Fier nga Klodian Çalamani, një person me precedent kriminal, protestuan të dielën në paraburgimin e Vlorës, ku qëndron i izoluar autori.
Protestuesit mbanin pankarta në duar me foton e Mateos dhe mes tensionesh me policinë synuan të kalojnë forcërisht rrethimin e jashtëm të burgut. Nëna e Mateos u shpreh se kërkonte drejtësi për të birin, ndërsa protestës së tyre i janë bashkuar edhe qytetarë të tjerë të Vlorës.
Protestuesit kanë marshuar në disa nga rrugët kryesore të qytetit duke kërkuar drejtësi dhe mbrojtjen nga dhuna të fëmijëve në Shqipëri. Gjykata e Fierit dha të enjten masën e arrestit me burgu në mungesë për autorine vrasjes Klodian Çalamani, ndërsa familjarët hynë forcërisht në mjediset e gjykatës duke kërkuar të përballeshin me vrasësin.
Policia e zhvendosi autorin e krimit në paraburgimin e Vlorës, për të shmangur tensionet.
Discussion about this post