Vijojnë hetimet për vrasjen e nënkomisarit Saimir Hoxhës. Paraprakisht nuk është provuar lidhja e të rinjve me parcelën e kanabisit që asgjesuan oficerët e policisë pak minuta para vrasjes se Saimir Hoxhës. Dhe se autori i vrasjes Aldi Rama dhe dy shoqëruesit e tij Marku dhe Sherri nuk ishin roje të hashashit.
Sipas burimeve dy shokët e autorit, Armando Marku dhe Kristjan Sherri kanë deklaruar në prokurori se kanë qenë duke konsumuar hashash së bashku në zonën e Vainit. Sipas dëshmisë së tyre, Aldi Rama e ka kryer vrasjen nën efektin e drogës.
Sipas burimeve në SHÇBA në Policinë e Shtetit po heton në dy drejtime. Janë duke u kryer hetime administrative dhe penale. Në drejtimin administrativ po verifikohen të gjitha procedurat që janë ndjekur dhe manualet që duhet të ndjek Policia kur ndërmerr një aksion anti-kanabis, planin operacional për asgjesimin e lendës narkotike, ku merrnin pjesë vetëm tre oficere, Saimir Hoxha, shefi i Krimeve, Palushi dhe efektivi Petrit Doda.
