Njëri prej të akuzuarve për vrasjen e dyfishtë të babë e bir Gentian dhe Nezir Beqiri, Klajdi Dokoli ka mohuar akuzat ndaj tij në seancën e sotme në Gjykatën e Posaçme kundër Korrupsionit dhe krimit të organizuar.
Dokoli i akuzuari për ekzekutimin e dyfishtë konsiderohet si ushtari i Çapajve ndërsa ai ka deklaruar se emrin e tyre e ka dëgjuar në emisionin e “Opinion” për herë të parë.
Megjithatë, dëshmia e tij bie poshtë pasi fotoja e siguruar nga mediat vërteton hetimet e deritanishme për vrasjen e dyfishtë dhe lidhjen e tij me fisin Çapja.
“Emrin e Ardian Çapjas e kam dëgjuar për herë të parë në emisionin Opinion në TV KLAN kur gazetarët kanë publikuar një foto të tij me kryeministrin. Kam punuar një periudhë tek kolaudimi i makinave, njerëzit më jepnin dokumentet dhe unë mbaja radhën, ose me ndonjë njohur u fusja makine pa radhë për këtë gjë merrja 500-3 mijë lekë. Në atë kohë kujtoj që më kanë rënë në dorë një dokument me emrin e Florenc Çapjat por se kam parë kurrë si fytyrë se kam njohur asnjëherë”, tha i akuzuari. ”, është shprehur ai.
Sipas hetimeve për ekzekutimin e dyfishtë, Dokoli ka qenë në rolin e informatorit, ndërsa më herët ka treguar para hetuesve për disa nga anëtarët e familjes Çapja, se kush hynte dhe kush dilte, në banesën e Gentian Beqirit, i cili ishte hasmi i familjes Çapja, pasi në dhjetor të 2005 së bashku me Dritan Shemen dhe një person tjetër, kanë vrarë Sokol Çapjan.
Emri i Klajdi Dokolit ka dalë nga dëshmia e bashkëpuntorit të prokurorisë Ervis Bardhi, i cili ka pohuar se njeriu që informonte Çapjat për gjithçka ishte pikërisht miku i tyre, Klajdi Dokoli. Madje, bashkëpuntori Bardhi, ka treguar Dokoli, ka qenë prezent në disa takime me Çapjat, takime në të cilën është kryer dhe skenari për realizimin e vrasjes së Gentian Beqirit, brenda në banesën e tij në Elbasan, ku qëndronte në masën e “arrestit në shtëpi”.
Discussion about this post