Hetimet për vrasjen e Pëllumb Metës vijojnë, ndërsa mbetet mister shkaku që shtyu fëmijët e viktimës të kryejnë krimin e rëndë dhe më pas të fshehin kufomën, duke e varrosur në një kasolle brenda rrethimit të shtëpisë.
Grupi hetimor është i bindur se ekzekutori i Pëllumb Metës është djali i tij i madh, Hysen Meta, pavarësisht deklaratave të motrës së tij Hygerta, e cila ka marrë përsipër krimin.
Sipas Top Channel, nuk përjashtohet nga kjo ngjarje kriminale as nëna e tre fëmijëve të arrestuar, Blerina Meta. Që në momentet e para, ajo ka qenë e dyshuar nga grupi hetimor. Blerina po hetohet në gjendje të lirë, pasi tre fëmijët e saj e kanë marrë vazhdimisht në mbrojtje në të gjitha deklaratat e dhëna. Sado kontradiktore të ketë qenë deklaratat e dy djemve dhe vajzës së familjes, e përbashkët mbetet se ata kanë përjashtuar nënën e tyre nga përgjegjësia dhe dijenia për krimin, raporton gazetarja.
Megjithatë, nëse Blerina Meta ka pasur rolin e ekzekutores së bashkëshortit, është në nivelin e dyshimeve, pasi duhen prova shkencore për ta verifikuar.
Discussion about this post