Tragjedia e ndodhur pak ditë më parë në Shkodër po thellohet. Familja e Arjon dhe Klisman Hasaj, dy vëllezërit që akuzohen si vrarës të 33-vjeçarit Ramazan Mataj, është ngujuar. Ngjarja e rëndë ndodhi në fshatin Dragoç në Shkodër, ku për këtë Gjykata e Shkodrës la në burg dy vëllezërit. Babai i autorëve, Rustem Hasaj u shpreh se ka frikë nga gjakmarrja dhe është ngujuar. Kryefamiljari u vizitua sot nga Dedë Shullani, kreu i Shoqatës së Misionarëve të Paqes dhe Pajtimit të Shqipërisë. Më tej, Hasaj tha se nuk ishte në dijeni të krimit të kryer nga dy djemtë e tij dhe se ata janë rritur së bashku me viktimën.
Ndërkohë, Shullani tha se ka marrë rolin e ndërmjetësit dhe do të punojë që dy familjet të rinisin komunikimin dhe të shmanget përshkallëzimi i konfliktit.
Ndërsa kryefamiljare i bën thirrje shteti t’i ndihmojë pasi janë 7 an%tar në familje që tani jetojnë pa asnjë të ardhur.
“Jemi 7 anëtarë në familje pa bukë, pa shtëpi! Shteti të na ndihmojë. S’kam pas asnjë dijeni për konfliktin as mosmarrëveshje. Jam babai i dy djemve të arrestuar. Kjo fatkeqësi na ka ndodh të dy palëve. Unë kam kërku ndjesë familjes së viktimës dhe gjithë fshatit.
Kam nevojë për ndihmën e shtetit dhe të individit se jena në kushte të vështira. Jemi 7 vetë në familje, përfshirë 4 fëmijët e djalit që është në burg. Jemi për mbijetesë. S’kemi asnjë të ardhur. S’kam as pension as asistencë, asgjë. Unë jam në ngujim jam në gjendje të mjerueme nga ana e ekonomisë. I lutem drejtësisë, popullit, kujtdo të na ndihmojë, mos i raftë kujt kjo punë. Unë përpara kam punuar me makinë, taksi pa licensë, çoja bashkëfshatarët në destinacionet e tyre. Edhe djemtë kanë punu sa për të jetuar, por ata ranë në burg. Tani jena pa asnjë të ardhur me 7 vetë në familje”, tha Hasaj.
Kujtojmë që, 33-vjeçari u ekzekutua vetëm 2 kilometra larg banesës së tij, ku edhe ishte duke shkuar me mjetin e tij, tip “Mercedez Benz”. Viktima kishte jetuar për afro 1 vit e gjysmë në Belgjikë, bashkë me të vëllain, i cili ndodhet atje, dhe pas kthimit punonte në ndërtim në Malin e Zi
Vrasja për “nder” në Shkodër, lihen në burg vëllezërit Hasaj që ekzekutuan Ramazan Matajn
Discussion about this post