Forcat e Ndërhyrjes së Shpejtë dhe RENEA-t nuk ia kanë dalë që të kapin të dyshuarin kryesor për vrasjen e Ridvan Ramazanit (Hyseni) në fshatin Dajç të Shkodrës.
Mësohet se rreth 10 furgonë të repartit Special RENEA dhe FNSH e qytetit, kanë ushtruar kontrolle në disa shtëpi në lagjen Dobraç.
Pikërisht në këtë zonë, ku ndodhen edhe banesat e familjes Bajri, dyshohej se fshihej i shumëkërkuari, Duel Mehmedajt. Por nuk është gjetur as sot.
Në ambientet e policisë Shkodër, janë shoqëruar 3 persona, të cilët pasi janë marrë në pyetje u lanë sërish të lirë, duke finalizuar me aq aksionin e zhvilluar sot.
Historia
Duel Mehmedaj akuzohet se në 28 nëntor 2020, ekzekutoi me automatik Ritvan Ramazanin, pas një konflikti të dobët të ndodhur mes djalit të Ramazanit dhe vëllait të Duelit, Hydajet Mehmedaj. Në pamjet filmike të regjistruara në atë kohë nga kamerat e zonës duket momenti ku, Duel Mehmedaj, zbret nga një “Benz-Mercedes”, ngjyrë të zezë me targë AA 259 BA dhe në duar mban një kallashnikov, ku fillon të qëllojë në drejtim të Ramzanit, i cili ndodhej në timonin e automjetit tip “BMë X5”. Nga këto filmike por dhe dëshmitë e dhëna që ka qëlluar me një pistoletë “TT”, ka qenë Ritvan Ramazani.
Sipas argumentit të prokurores së çështjes, Hydajet Mehmedaj, ka qenë shofer i automjetit nga ka zbritur vëllai i tij, Duel Mehmedaj, i cili akuzohet se ka qëlluar disa herë në drejtim të Ritvan Ramazanit, duke e lënë të vdekur në vend. Me përfundimin e hetimeve të kësaj dosje penale, janë çuar në gjykatë si të pandehur: Duel Mehmedaj dhe Mikljor Gjoka. Duel Mehmedaj akuzohet për akuzën e “Vrasjes me dashje” dhe “Mbajtjes pa lejë të armëve luftarake”, ndërsa Mikljor Gjoka për veprën penale të “Moskallëzimit të krimi”. Gjithsesi pas hekurave ka përfunduar vetëm Mikljor Gjoka.
Discussion about this post