Edhe pse policia ka arrestuar dy autorët e dyshuar për vrasjen e biznesmenit Ruzhdi Hoxha, hetimet vazhdojnë. Mister ngelet makina tip “Passat” që dyshohet të jetë përdorur për të transportuar trupin e Hoxhës, e cila ende nuk është gjetur. Autori Fredi Rrushi dyshohet se ka udhëtuar më këtë mjet në drejtim të Qafës Mollës aty ku ndodhi edhe krimi. Por që nga ky moment nuk ka asnjë gjurmë për gjetjen e mjetit, ndërsa hetuesit janë përqendruar në pikat e serviseve, pasi ka dyshime se ai mund të jetë çmontuar.
Ky mjet mund të ndihmojë në identifikimin e personave të tjerë të përfshirë, për shkak se aty mund të përftohen shenja të gishtërinjve, të gjakut apo plumbave që mund të jenë shkrepur brenda saj.
Kontrollet për automjetit janë përqendruar përreth zonës së Paskuqanit, Kamzës dhe më tej. Mjeti tip “Passat” ngjyrë me targë AA0114SY, rezulton në sistem në pronësi të një shtetaseje me inicialet A.I me 9 gjoba të papaguara dhe e fundit është më datë 21 tetor 2021 në vlerën 1490 lekë që rezulton një ditë pas zhdukjes së Hoxhës.
I dyshuar kryesor për zhdukjen e makinës është vëllai i Fredi Rrushit, Pajtimi, i cili është vënë në pranga pas gjetjes së trupit të Ruzhdi Hoxhës në zonën e thellë të Qafë-Mollës.
Dy vëllezërit, Pajtim alias Përparim dhe Fredi alias Ferdinand Rrushi, kanë mohuar në gjykatë të kenë lidhje me rrëmbimin, ekzekutimin dhe fshehjen e Hoxhës. Ata pretendoi se ishin shokë me njëri-tjetrin, por nga ana e verifikimeve përmes vëzhgimit të tabulateve telefonike, polica zbulon të kundërtën, se përmes qelizave dhe ndjekjes së itinerarit të viktimës dhe autorit, gjithçka përputhej.
Discussion about this post