Vrasja e 23-vjeçares Sabrina Bengaj nga Fieri pak ditë më parë nga bashkëshorti i saj ka ngritur në protestë qytetarët, ndërsa tashmë ata kanë nisur dhe një peticion, me qëllim mbledhjen e firmave për të ndryshuar Kodin Penal në Shqipëri.
Organizatorja e peticionit, pjesë e shoqërisë civile Anisa Bahiti teksa foli për rëndësinë e peticionit nga Vlora tha se do të shkojnë në çdo qytetet të vendit, pa humbur më shumë kohë. Bahiti tha se, duhet me patjetër që Parlamenti të mblidhet për të ndryshuar rrënjësisht Kodin Penal dhe të ashpërsoj dënimet për ata që dhunojnë gratë dhe vajzat. “Kemi ardhur në Vlorë për peticioni fill pas Elbasanit, pas ngjarjes së rënd ë që ka ndodhur peticioni është shfaqur fillimisht online, por nuk duhet të mbetet vetëm aty. Prandaj, ne kemi vendosur të veprojmë dhe ta zgjerojmë në qytete më të mëdha të Shqipërisë, me qëllim që të mblidhen firmat e nevojshme nga peticioni dhe të bëhet ndryshim rrënjësor i Kodit Penal i Republikës së Shqipërisë dhe dënimin maksimal për këdo që merr jetë njerëzish”, u shpreh.
Më tutje ajo tha se, pjesëmarrja në peticion është e larta dhe sa po të arrihet numri i nevojshëm do i dërgojnë kërkesën deputetëve në Parlament.
“Ne shpresojmë që peticioni të gjejë përkrahjen e të gjithë qytetarëve në Shqipëri dhe padyshim që jemi të lumtur që sot në Vlorë qytetarët kanë ndaluar të firmosin peticionin.
Shifrat e vrasjes së garave dhe vajzave janë të frikshme, ndaj nuk kemi kohë për protesta show, por duhet të veprojmë. Duhet t’i kërkojmë deputetëve të Kuvendit, pa dallim ngjyrimi politik dhe ta marrin seriozisht këtë situatë”, u shpreh Bahiti.
Bahiti tregoi se çdo vit shifrat e grave të dhunuara bëhet edhe më in frikshëm.
E.H/ gijotina.com/
