Numri i personave të arrestuar në kuadër të vrasjes së ndodhur orët e para të mëngjesit në Ksamil ka shkuar në 12.
Një nga të arrestuarit është Moisid Matushaj, 24 vjeç, banues në Gjirokastër, me detyrë Ndihmës Specialist i Hetimit të Krimit në Drejtorinë Vendore të Kufirit Gjirokastër.
Dyshohet se 24-vjeçari ka ndihmuar autorin e krimit të rëndë Sokrat Vata të largohej nga vendngjarja, pas vrasjes së 20-vjeçarit.
Bëhet me dije se Matushaj punonte si bodyguard i kompanisë “Elite Security”, së bashku me Sokrat Vatën, në lokalin “Principote” në zonën e Ksamilit.
Nga ana tjetër në kërkim është shpallur edhe Bekim Bulica, i cili rezulton pronar i lokalit “Principotes”, ku ndodhi ngjarja e rëndë.
Ndërkohë, emri i Bekim Bulicës është përmendur edhe më herët në materiale hetimore që lidhen me dyshime për trafik ndërkombëtar droge dhe pastrim parash.
Sipas të dhënave, emri i Bulicës ishte lidhur me një rrjet të dyshuar të shpërndarjes së kokainës në Paris.
Discussion about this post