Drejtori i Policisë së Shtetit, Muhamet Rrumbullaku ka deklaruar se janë në procedurat e ekstradimit të shpejtë të Gerald Shehut nga Greqia. 43-vjeçari u arrestua në aeroportin e Korfuzit në tentativë për t’u arratistur drejt Spanjës.
Në një konferencë, drejtori i Policisë u shpreh se bashkëpronari i hotelit në Dhërmi, ku edhe ndodhi krimi i rëndë, u kap falë bashkëpunimit me autoritetet greke.
Ndërsa theksoi se vrasja e recepsionistit Eraldo Nevruzi po shkon drejt zbardhjes.
“Në kuadër të bashkëpunimit që kemi me partnerët grekë, në kuadër të informacionit të shkëmbyer, u bë e mundur kapja dhe arrestimi i autorit. Jemi në procedurat e ekstradimit të shpejtë të këtij personi si autor i dyshuar sa i përket ngjarjes.
Kemi provuar me prova shkencore gjithçka, po shkojmë drejt finalizimit dhe zbardhjes së këtij krimi të rëndë”, u shpreh ai.
Gerald Shehu qëlloi me armë zjarri Eraldo Nevruzin orët e para të së enjtes në një prej dhoma të hotelit ku ky i fundit punonte.
43-vjeçari u arrestua në aeroportin e Korfuzit në tenttaivë për t’u arratisur DREJT Anglisë dhe pasi nuk gjeti biletë për Londër ai priste të udhëtonte drejt Spanjës.
Trupi i pa jetë i Nevruzit u gjet sot në zonën e quajtur “Përroi i Gjipesë” mes Vunoit dhe Dhërmiut.
Bashkëpronari i biznesit, Geraldo Shehu u kërkoi ndihmë dy punëtorëve Daniel Qoses dhe David Lartit, për t’i sjellë qese dhe për ta futur në bagazh. Pasi hodhi trupin anës rrugës në Gjipe, Gerald Shehu u arratis drejt Greqisë, ku u arrestua të enjten pasdite.
Discussion about this post