Tre të arrestuarit për vrasjen e të riut Martin Ceco disa ditë më parë në Maliq, kanë mbërritur në gjykatën e Korçës, për t’u njohur me masën e sigurisë.
Ata akuzohen për vrasje me paramendim kryer në bashkëpunim.
Burime bëjnë me dije se trupa gjykuese do të jetë me gjyqtar Besnik Shehun dhe prokurore Oli Visi. Seanca fillon në orën 13:00. Tre autorët e dyshuar të vrasjes pritet të njihen me masën e sigurisë dhe vleftësimin e arrestit.
Pasi e vranë të riun, Bleti Angjo, Valter Mollaj dhe Edlir Mollaj tentuan të inskenojnë një skenë vetëvrasjeje, duke i lënë shapkat e tij jashtë rezervuarit ku hodhën trupin.
Krimi dyshohet të ketë ndodhur për shkak të raportit të 26-vjeçarit me një vajzë, me të cilën ai komunikonte vazhdimisht.
Njohjen e kanë mësuar autorët, të cilët i kanë kërkuar 26-vjeçarit të mos e vazhdojë. Bisedë të cilën 26-vjeçari nuk e ka ndërprerë.
Discussion about this post