Banorët e fshatit “Havaleas” aty ku 63- vjeçarja Festime Sula u vra në mënyrë makabër, kanë deklaruar se viktima ishte familjare dhe se sipas tyre nuk bëhet fjalë që ngjarja të ketë ndodhur për konflikte.
Ata pretendojnë se autori, 58- vjeçari Fetah Marra vuan nga shëndeti mendor dhe se ka disa vite që është ndarë nga bashkëshortja. “Jo jo s’kanë patur konflikte. Ai është i sëmurë psiqik”, tregon njëri nga komshinjtë e viktimës.
“Komshij, fshatare asgjë nuk dimë. Nuk dimë asgjë, familjare me dy fëmijë me burrin. Nuk dimë gjë, për komshiun për Fetahun. Se ai është pa familje, e ka lënë gruaja është ndarë”, ka treguar banori.
“Bashkë jemi të lagja e malit, nuk kemi patur konflikte me asnjë. Festimja me familje të shkëlqyer me dy fëmijë me nuse, me burrë”, është shprehur një tjetër banore.
Viktima Fatime Suli u transportua gjatë natës drejt Morgut të Spitalit Rajonal Berat, ku pas kryerjes së autopsisë mjeko-ligjore, rezultoi se shkaku i vdekjes së 63-vjeçares ishte asfiksimi nga mbytja me duar.
Discussion about this post